ក្លឹបវាយកូនហ្គោល រ៉ូយ៉ាល់ ភ្នំពេញ

ក្លឹបវាយកូនហ្គោល រ៉ូយ៉ាល់ ភ្នំពេញ ស្ថិតនៅក្នុងតំបន់ដ៏ស្ងប់ស្ងាត់និងធំទូលាយនៃខណ្ឌពោធិ៍សែនជ័យដែលមានចម្ងាយត្រឹមតែ ៥ គីឡូម៉ែត្រប៉ុណ្ណោះពីអាកាសយានដ្ឋានអន្តរជាតិភ្នំពេញ។ ទីលានវាយកូនហ្គោលនេះអាចផ្ដល់នូវបរិយាកាសស្ងប់ស្ងាត់បែបជនបទហើយ នៅតែអាចធ្វើដំណើរ ទៅកាន់តំបន់បឹងកេងកង 1 និងមាត់ទន្លេយ៉ាងងាយ ស្រួលផងដែរ។ ក្លឹបវាយកូនហ្គោល រ៉ូយ៉ាល់ ភ្នំពេញបានសម្ពោធឲ្យដំណើរការជាផ្លូវការចាប់តាំងពី ខែតុលា ឆ្នាំ1999។ ក្លឹបវាយកូនហ្គោលស្តង់ដារអន្តរជាតិនេះ​រៀបចំ លម្អ​ទៅ​ដោយដើម​ឈើធំៗ​ជា​រនាំង នៅចន្លោះទីលាន​នីមួយៗ ដើម្បីឲ្យអ្នកវាយកូនហ្គោល​មានអារម្មណ៍ផ្ចិតផ្ចង់ ផ្តោតលើការវាយកូនហ្គោល ដោយមិនមានការ រំខានផ្សេង។ ក្លឹបវាយកូនហ្គោល រ៉ូយ៉ាល់ ភ្នំពេញមាន (Tee box) ចំនួនបួន ចាប់ពីចម្ងាយ  5,200 យ៉ាដ (ប្រហែល 4755 ម) ដល់  7,200 យ៉ាដ  (ប្រហែល 6583 ម) ។ អ្នកលេងកូនហ្គោលគ្រប់កម្រិតជំនាញទាំងអស់អាចចូលរួមលេងកម្សាន្តដោយភាពរីករាយនៅក្លឹបវាយកូនហ្គោល  រ៉ូយ៉ាល់ ភ្នំពេញ។